Como se pode xestionar a información nos sitios web e sistemas de información que teñen miles e miles de documentos e páxinas?

A sobrecarga de información (information overload) é un auténtico problema (e en crecemento exponencial): disponse de demasiada información para tomar decisións, de xeito axeitado e a un custo razoable.

A rede, polo tanto, atópase (cada vez máis) sobresaturada de información. Mesmo os sistemas de información das grandes empresas teñen volumes tan grandes que, en xeral, a busca de información concreta se fai moi difícil.

Este fenómeno dificulta a xestión do coñecemento, coa consecuente perda de capital intelectual das empresas.

Os produtos Minerva están orientados ao coñecemento. Son ferramentas especializadas na enxeñaría dos contidos, que axudan á identificación, extracción e clasificación de datos procedentes de sistemas de información, sitios web e documentos de texto sen estruturar.

Todos estes produtos están construídos sobre o núcleo MIMS (Minerva Information Management System) de Bitstudy.