As novas tecnoloxías, cada vez máis, favorecen o traballo sen ataduras a infraestruturas físicas, pero en comunicación permanente co mundo que nos rodea.

Agora xa é posible dispoñer de dispositivos que reúnan estas dúas características:

• baterías moi potentes: portátiles ou tablet pc que poden traballar durante moitas horas de xeito autónomo.
• conexións sen cables dende calquera lugar: grazas á implantación de tecnoloxías WWAN (Wireless Wide Area Network). Cada vez máis dispositivos incorporan estas tecnoloxías que permiten o acceso a internet e a transferencia de datos dende calquera lugar remoto, cun bo ancho de banda.

Esta combinación permite un novo paso na utilización das novas tecnoloxías: traballar dende calquera lugar, con conexión real á rede, sen ningunha outra necesidade que un dispositivo que ás veces non pesa máis de 1,5 kg.

Solucións de software en mobilidade. Baseándose nesta tecnoloxía, Bitstudy desenvolveu unha arquitectura específica para a construción de solucións especializadas que permiten obter o máximo rendemento destes dispositivos.

Estas solucións van dirixidas a todos os profesionais que teñen que traballar desprazados do seu despacho, pero que, a miúdo, necesitan xestionar, enviar e recibir información actualizada: servizos médicos de urxencias, profesionais da seguridade, enxeñeiros, arquitectos, equipos de asistencia en estrada, visitadores comerciais, profesionais do transporte e da loxística...

+ información
+ tríptico Hermes